Ministri japonez i Shëndetësisë, Takumi Nemoto, i është përgjigjur një peticioni, që kërkon ndalimin e mbathjes së takave të larta në punë, duke thënë se një kod i tillë i veshjes për gratë është “i domosdoshëm dhe i denjë” për vendet e punës.
Nemoto i ka bërë këto komente pas fushatës online #KuToo, e cila ka fituar vëmendje në Japoni, dhe ka mbledhur 21,000 nënshkrime nga dita e hënë.
Peticioni është krijuar nga 32-vjeçarja, Yumi Ishikaëa, një punëtore në një sallë funeralesh, e cila ka thënë përmes një postimi në Tëitter se i kërkohet të mbathë këpucë me taka në punë, çka i shkakton shumë dhembje.
“Besoj se kjo çështje i takon asaj që është zakonisht e konsideruar si e domosdoshme dhe e denjë për një vend pune”, ka thënë Nemoto kur është pyetur për këtë peticion nga një ligjvënës opozitar, në një komitet parlamentar.
Ishikaëa, në anën tjetër ka thënë se komentet e Nemotos kanë vënë në pah edhe anë tjera të kësaj çështjeje dhe ka kërkuar që të debatohet seriozisht.
“Duket se burrat nuk e kuptojnë se mbathja e takave mund të jetë e dhimbshme dhe të shkaktojë plagë. Mirëpo edhe nëse gratë nuk kanë plagë të tilla, dëshiroj që pritshmëritë e këtij lloji të konsiderohen abuzim me pozitën” është shprehur ajo.
