Pas djegies së anijes ‘Aquamarine’ në Karaburun pak ditë më parë, Kapiteneria e Portit ka ushtruar një kontroll tek anijet e tjera turistike, për të shmangur një tjetër rast të ngjashëm, i cili fatmirësisht nuk kishte pasoja të rënda.
Nga kontrolli, ka rezultuar se 98% e të anijeve turistike zbatonin kriteret, e ndërsa pjesa tjetër që nuk plotësonin kërkesat në lidhje me mjetet zjarrfikëse u bllokuan nga Kapiteneria.
“Në portin dhe gjirin e Vlorës operojnë 15 subjekte me anije +12pasagjer, për sezonin turistik 2019.
Duke marrë shkas nga situata e fundit të ndodhur në bordin e anijes turistike AQUAMARINE e cila u përfshi ne flak deri në djegien totale të saj duke rrezikuar jetën e ndërzeve që ishin në bord , të cilët fal shpejtësisë dhe aftësive të tyre arritën të shpëtonin vetën nga flakët, po në të njëjtën ditë që ndodhi situata jo e mirë për imazhin e turizmit dhe Vlorës, Kapiteneria e Portit Vlore mori një sërë masash dhe kontrollesh te detajuara të paisjeve të zjarrfikëse në këto anije turistike të cilat rezultuan 98% konform certifikatës së regjistrit detar shqiptar e cila është përgjegjëse për numrin dhe tipin e mjeteve zjarrfikëse në bazë të kapacitetit të anijes dhe tipit të saj.
Anijet që nuk plotësonin kërkesat në lidhje me mjetet zjarrfikëse të cilat duhet të ishin në bord të kolauduara u bllokuan nga Kapitaneria e Portit Vlore deri në plotësimin e plote të tyre.
Gjithashtu një masë tjetër për anijet turistike +12pasagjer u mor për ndalimin e lundrimit natën me pasagjer në bord”, njoftohet nga Kapiteneria e Portit të Vlorës.
