Kryetarja e bashkisë Shkodër, Voltana Ademi e ftuar sonte në Open, ka komentuar situatën e fundit që po ndodh atje, ku siç u raportua një klasë brenda shkollës Shejnaze Juka i është vënë zjarri nga përfaqësues të PD.
“Mesa di unë nuk po digjet shkolla, por KZAZ-të që nuk duhet të ishin aty sipas vendimit të presidentit.
Aty po digjen thjesht kartona, jo ambjente shkollore, flakët janë diku në fillim të shkollës”, tha Ademi duke mohuar raportimet e fundit në media.
Ademi deklaroi se nuk duhet të ketë materiale zgjedhore në një shkollë.
Ndërsa në lidhje direkte në emision gazetari i Top Channel Klodian Zhivani njoftoi se rreth 50-60 për qind e materialeve zgjedhore janë djegur.
Ndër të tjera ai raportoi se ka pasur përplasje të forta edhe fizike mes FNSH dhe përfaqësuesve të PD./tch
