Vrasja apo keqtrajtimi i kafshëve shtëpiake mund të kushtojë shtrenjtë në Shqipëri.
Komisioni Parlamentar i Veprimtarive Prodhuese votoi pro nismës ligjore të firmosur nga 37.500 zgjedhës për ndryshimin e Kodit Penal.
Përveç vrasjes së kafshëve shtëpiake, krim do të konsiderohet edhe keqtrajtimi, robërimi i tyre, organizimi i ndeshjeve mes kafshëve dhe kryerja e eksperimenteve.
Dënimet për vrasje të kafshëve shtëpiake mund të shkojnë deri në dy vite burgim, po kaq është dënimi për organizatorët e ndeshjeve me kafshë dhe pronarët e tyre, ndërsa për eksperimentet parashikohen deri në 3 vite burgim.
Të gjitha dënimet shoqërohen me gjobë deri në 10 mijë dollarë.
Gjithsesi për masën e dënimit penal do të jetë Komisioni i Ligjeve, i cili do të bëjë vlerësimet përfundimtare./TCH
